"María Casares. Eu son do oceáno", a novela póstuma de Pitusa Arias

É unha obra divulgativa da vida de quen foi número un de teatro en Francia e Europa.

Por Galicia Confidencial | Fene | 19/05/2022 | Actualizada ás 21:00

Comparte esta noticia

“María Casares. Eu son do océano” é o libro póstumo de Pitusa Arias. Trátase dunha novela gráfica que se presenta este sábado en Fene e conta coas ilustracións de Carlos Sardiña. É unha obra divulgativa da vida de quen foi número un de teatro en Francia e Europa durante boa parte do século vinte. Paula Carballeira conducirá o acto de  presentación este sábado ás sete e media da tarde no Círculo Mercantil e Industrial Unidade de Fene.  Pitusa Arias, escritora e xornalista de Radio Fene faleceu o pasado 8 de abril.

A actriz María Casares
A actriz María Casares

Neste 2022 cúmprense os cen anos do nacemento de María Casares. No acto do Círculo de Fene tamén se presentará o podcast do mesmo nome con guión de Puri Seixido e música orixinal de Sofía Oriana Infante. Foron os intérpretes Vicky Sas, Eugenia Sanmartín, Helga Mëndez, Cristina Mariño, Rogelio Arias e Cristina Moreira. Como técnico de son Xabier Fernández e na dirección Eugenia Sanmartín. Unha produción de Son Radiofusión.

María Casares, nacida na Coruña en 1922, exiliada en Francia ao rematar a guerra, ao ser filla do republicano Santiago Casares Quiroga. Nunca esqueceu as súas orixes galegas. María Casares foi unha primeira figura no mundo do teatro en Francia e no mundo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta