A Federación Galega de Comercio insta a recuperar os períodos de rebaixas e lamenta que se estendan todo o ano
Por E.P. | SANTIAGO DE COMPOSTELA | 08/06/2022 | Actualizada ás 12:42
O presidente da Federación Galega de Comercio, José María Seijas,ante as rebaixas de verán, volveu a lamentar que este período se estenda durante todo o ano, por volveuno a insistir na necesidade de que o Goberno central reinstaure eses días de descontos.
"Sigo dicindo o mesmo e é que as rebaixas empezan o un de xaneiro e conclúen o 31 de decembro. A xente ao longo de todo o ano vai comprando nestes descontos que hai continuamente, de todas as maneiras hai un número de comercios que seguen mantendo esas datas", subliñou.
Seijas anticipou que o "incremento de vendas vai ser durante dous ou tres días". "E o resto pasamos á normalidade", sinalou. Ademais, puxo o foco en que "hai que ter en conta tamén os momentos difíciles que pasan as familias e os consumidores pola guerra de Ucraína e a inflación". "A ver como saímos disto", reflexionou.
ARDE LUCUS
Con respecto á celebración da festa do Arde Lucus en Lugo, do 9 ao 12 de xuño na cidade de Lugo, espera Seijas que se "note" en canto a vendas no sector. Así mesmo, asegurou que "segundo os anuncios parece ser que vai haber moitos visitantes, a forza do Arde Lucus é na hostalaría porque é unha festa basicamente de xente que vén comer e a gozar".
Con todo, apelou ás "sinerxías" ante a cantidade de visitantes que se prevé e todo iso agarda que se note no comercio. "Non vai solucionar o problema, pero si crea esas sinerxías que van ser interesantes", resolveu.
