Por Galicia Confidencial | Verín | 09/06/2022 | Actualizada ás 09:00
Gerardo Seoane, alcalde de Verín, referiuse a estes bos resultados de asistencia e sinalou que as xornadas literarias "son xa un dos máximos referentes da completa axenda cultural verinesa".
Pola súa banda, a concelleira de Educación, Cultura e Festexos, Emilia Somoza, agradeceu o traballo da Biblioteca Municipal de Verín e quixo lembrar que para o grupo de goberno municipal a cultura foi --desde un primeiro momento-- unha actividade fundamental para o desenvolvemento económico da vila. Neste senso dixo tamén que están recuperando eventos suspendidos ao longo da pandemia.
Dende a dirección da Biblioteca Municipal, entidade responsable organización, valoraron moi positivamente a participación e agradeceron o esforzo e apoio mostrado por todos os seus colaboradores e patrocinadores, así como o de todas os autores e expertos que participaron nesta edición das xornadas.
IV XORNADAS DE NOVELA NEGRA
Baixo o título “Personaxes de novela”, o principal obxectivo do encontro deste ano foi achegar ao público aspectos moito menos coñecidos da novela negra nos que se combina o mundo de ficción e o real con personaxes verdadeiros que normalmente aparecen nas narracións deste xénero literario.
Esta IV edición das xornadas estivo coordinada polo xuíz e escritor Xosé Antón Vázquez Taín e presentadas polos voluntarios da Biblioteca, Lorena Carnero e Daniel Carnero. Do evento e do programa completo das xornadas deu puntual conta o Galicia Confidencial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.