A animación galega en Annecy, o festival máis importante do mundo do sector

'Unicorn Wars', de Alberto Vázquez, e a coprodución galega 'Os demos de barro' chegan a este festival a próxima semana.

Por Europa Press / Redacción | SANTIAGO DE COMPOSTELA | 11/06/2022 | Actualizada ás 20:50

Comparte esta noticia

O festival de Annecy (Francia), o máis importante do mundo de animación, que se celebra entre este luns e o vindeiro sábado, estreará o último filme de ilustrador coruñés e triplo gañador do Goya Alberto Vázquez, 'Unicorn Wars', e tamén exhibirá a coprodución galega 'Os demos de barro'.

Despois de seis anos de traballo chega a nova película de Alberto Vázquez. 'Unicorn Wars' reflexiona sobre o belecismo a través da historia dos irmáns Azulín e Gordi, dous recrutas do bando dos osos no conflito ancestral que manteñen cos unicornios. Terá o seu 'premiere' na Sección Oficial do festival.

O esperado regreso ás pantallas do multipremiado director herculino prodúcese nun momento de guerra en Europa, algo que, segundo recoñece o propio cineasta, non se imaxinaba que podería chegar a ocorrer cando botou a andar a rodaxe da película fai seis anos. "Parece que é algo propio do ser humano o uso da violencia e o feito de cometer erros cíclicamente", apuntou o tres veces gañador do Premio Goya.

'OS DEMOS DE BARRO'

Pola súa banda, 'Os demos de barro' é unha coprodución hispano-franco-portuguesa de Sardinha em Lata (Portugal), Caretos Films A.I.E. (Galicia), Basque Films (Pais Vasco) e Midralgar (Francia), que conta coa participación de TVG e Xunta de Galicia, entre outros.

Dirixida polo cineasta portugués Nuno Beato, realizouse durante o últimos catro anos entre as cidades de Lisboa, A Coruña, Bilbao e Bordeus. A longametraxe conta coas voces de intérpretes galegos como Isabel Navieira, Monti Castiñeiras, Ledicia Soa ou Celso Bugallo.

Cun orzamento de tres millóns de euros, leva o selo de Basque Films. A produtora vasca liderada por Carlos Juárez participa por terceira vez na Sección Oficial de Annecy, onde tamén competiu con 'Psiconautas, os nenos esquecidos' (Alberto Vázquez, 2015). Pola súa banda, o coruñés Xose Zapata é o responsable de Sygnatia, produtora de films premiados en Annecy como 'Engurras' (2011, Ignacio Ferreras) ou 'Buñuel e o labirinto das tartarugas' (2018, Salvador Simó).

A película, inspirada visualmente na cerámica tradicional portuguesa, conta a historia de Rosa e do retorno ás súas raíces e á vida natural de campo e a súa aldea natal. 'Os demos de barro' trata temas como a destrución da natureza, o abandono do campo, a superficialidade das relacións humanas na vida moderna, así como a procura de novas formas de vida en equilibrio coa contorna.

Fotograma de Unicorn Wars, a nova película do cineasta coruñés Alberto Vázquez. UNICORN WARS
Fotograma de Unicorn Wars, a nova película do cineasta coruñés Alberto Vázquez. UNICORN WARS | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta