Por E.P. | SANTIAGO DE COMPOSTELA | 25/06/2022 | Actualizada ás 19:16
O conselleiro do Medio Rural, José González, reivindicou o potencial de Galicia no aproveitamento do sector forestal durante unha visita a unha das instalacións en Portugal do grupo Altri, promotor dun proxecto de aproveitamento de fibras téxtiles a partir de madeira que planea instalar en Palas de Rei.
O mandatario autonómico coñeceu os viveiros dle Furadouro, que se sitúan na localidade portuguesa de Olho Marinho, a uns 90 quilómetros de Lisboa, onde se producen sete millóns de plantas ao ano. Diso informou este sábado o Goberno galego, cuxo responsable de Medio Rural incidiu na importancia do sector forestal na economía galega, á vez que valorou a "oportunidade" que representa o proxecto de Altri na provincia de Lugo.
Así as cousas, defendeu a necesidade de apostar pola "multifuncionalidade" do monte galego e, en concreto, da madeira para o seu aproveitamento en distintos ámbitos produtivos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.