Rueda bótalle a culpa dos problemas da Sanidade a Pedro Sánchez, "que fai oídos xordos"

O presidente da Xunta de Galicia, Alfonso Rueda, asegurou este venres que as medidas do seu Executivo en relación á Atención Primaria "contribuirán a mitigar o problema", aínda que advertiu ao PSOE que as "solucións estruturais" dependen do Goberno central.

En declaracións aos medios de comunicación tras manter unha audiencia co Rei Felipe VI, Rueda reivindicou a transparencia, que baixo o seu punto de vista, ofreceu a Xunta de Galicia sobre o problema do problema do primeiro nivel de atención asistencial, con distintas comparecencias parlamentarias.

"Estamos a tentar explicar que estes problemas son comúns a toda España", asegurou Rueda, polo que advertiu que as solucións estruturais "non dependen" da Xunta de Galicia, senón do Executivo de Pedro Sánchez, "que fai oídos xordos".

A este respecto, acusou ao PSOE de facer "ruído político" neste sentido e defendeu as solucións que está a tomar a Xunta, "que contribuirán a mitigar o problema".

O presidente da Xunta de Galicia, Alfonso Rueda Valenzuela, á súa chalaegada a unha audiencia co Rei, no Palacio da Zarzuela | Fonte: Europa Press