O proxecto piloto de intervención artística rural 'Mulleres extramuros' en Silleda pecha este sábado
Neste proxecto, que continuará noutras aldeas doutros concellos, participaron sete artistas de Galicia, España e Portugal que en marzo conviviron durante unha semana coa veciñanza de Cortegada.
Por E.P. | PONTEVEDRA | 12/07/2022 | Actualizada ás 17:53
A localidade de Cortegada, no municipio pontevedrés de Silleda, será o lugar onde concluirá o vindeiro sábado 16 o proxecto piloto de intervención artística nas rural "Mulleres extramuros", organizado pola Deputación de Pontevedra.
Trátase dun proxecto integral de interacción, intervención, creación e convivencia de artistas plásticas no rural, promovendo a arte contemporánea como ferramenta de cambio social.
Segundo a presidenta da Deputación de Pontevedra, Carmela Silva, 'Mulleres extramuros' ten por obxectivo "encher de vida o rural" a través da intervención artística que "ten unha enorme capacidade de transformar e de atracción de visitantes, de facer que os lugares onde se instalen os murais sexan lugares de interese".
Neste proxecto, que continuará noutras aldeas doutros concellos, participaron sete artistas de Galicia, España e Portugal que en marzo conviviron durante unha semana coa veciñanza de Cortegada.
Este mes de xullo as artistas regresaron a Cortegada para elaborar, in situ, os seus proxectos artísticos que agora mesmo están a finalizar e van ser inaugurados este sábado.
"Será un día de festa", asegurou Carmela Silva quen avanzou que os actos, conducidos pola presentadora e actriz Neves Rodríguez, comezarán na carballeira da capela dos Aflixidos, onde se inaugurará a exposición que recolle os procesos artísticos de 'Mulleres Extramuros'.
A continuación, realizarase un percorrido pola parroquia para visitar as obras realizadas, da man das artistas e da veciñanza.
Posteriormente, as persoas que acudan ao acto de inauguración terán a oportunidade de coñecer o proxecto de emprendimiento no rural 'Trasdeza Natur' e, para finalizar, regresarase á carballeira da capela dos Aflixidos onde haberá un peche musical a cargo de Bouba Pandereiteiras e unha degustación de paella para enxalzar a "Festa da Paella" que acolle cada ano esta parroquia rural.
A presidenta da Deputación de Pontevedra referiuse a esta iniciativa sinalando que "non vai se é posible loitar contra o despoboamento do rural sen proxectos que nazan de mulleres e conten coas mulleres".
