Por Europa Press / Redacción | SANTIAGO DE COMPOSTELA | 08/09/2022 | Actualizada ás 16:04
O Servizo Galego de Saúde (Sergas) prevé sacar por concurso de méritos en 2023 outras 130 prazas, para médicos de familia e outras especialidades de "difícil cobertura". Así o avanzou o presidente da Xunta, Alfonso Rueda, na súa comparecencia posterior ao Consello, que este xoves aprobou un proxecto de lei para habilitar esta medida, á que agora terá que dar o visto e prace o Parlamento.
En concreto, serán prazas para médicos de familia, pediatras de atención primaria, médicos de especialidades de difícil cobertura en hospitais comarcais e médicos e enfermeiros na área de saúde mental.
A intención é que abarque ao redor de 130 prazas na primeira convocatoria, correspondente a 2023, que se suman ás 106 que xa sacou a Xunta de forma "pioneira" e ás que se engadirán en sucesivos anos, segundo adiantou Rueda. Así, o titular da Xunta destacou que se trata de acabar co "déficit" de profesionais e considerou "necesario actuar", polo que tamén reiterou as peticións do Executivo autonómico ao central.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.