Mariano Rajoy, agora actor

O expresidente do Goberno Mariano Rajoy participa cun cameo na nova película do director Paco Arango, 'Mi otro Jon', segundo anunciaron desde a propia longametraxe.

Tal e como detallan desde a película, a participación de Rajoy suporá a súa "estrea na interpretación por unha boa causa", xa que o cuarto proxecto cinematográfico de Paco Arango destinará todos os seus beneficios a mellorar a vida dos nenos enfermos de cancro a través da Fundación Aladina e a axudar aos damnificados polo volcán da Palma.

Polo momento non se desvelou o papel que interpreterá Rajoy e só se adiantou unha imaxe do expresidente do Goberno antes da rodaxe dunha escena, xunto a unha claqueta e vestido con traxe á espera de instrucións.

"Quedaba aínda unha sorpresa por chegar tras a confirmación doutros cameos moi especiais como o de Ana Obregón ou Macarena Gómez e os motores volvéronse a acender para dar a benvida a Mariano Rajoy", explicaron desde a película.

Cameo de Mariano Rajoy como actor en 'Mi otro Jon' / PIPO FERNANDEZ / Europa Press