O Goberno e a Xunta acordan a cesión a Galicia do imposto sobre o depósito de residuos en vertedoiros

A Comisión Mixta de Transferencias Administración Xeral do Estado-Comunidade Autónoma de Galicia acordou este luns a cesión á Xunta de Galicia do rendemento do Imposto sobre o depósito de residuos en vertedoiros, a incineración e a coincineración de residuos con efectos desde o 1 de xaneiro de 2023.

Trátase do primeiro acordo con Galicia dos últimos trece anos, xa que a Comisión Mixta de Transferencias con esta comunidade levaba sen reunirse desde o ano 2009.

Desta maneira, o Goberno remitirá ás Cortes Xerais o anteproxecto de lei de modificación da Lei 17/2010, do réxime de cesión de tributos do Estado á Comunidade Autónoma de Galicia e de fixación do alcance e condicións de dita cesión.

"O Goberno reafirma o seu compromiso de diálogo permanente e cooperación institucional con todas as comunidades autónomas", asegurou o secretario de Estado de Política Territorial, Alfredo González. A Xunta estivo encabezada polo vicepresidente primeiro e conselleiro de Economía, Francisco Conde.

A 21 campaña de Vaipolorío culmina coa retirada de 655 quilos de residuos do río Gafos en Pontevedra