Por Europa Press / Redacción | A Toxa | 30/09/2022 | Actualizada ás 17:04
Os ex presidentes do Goberno Felipe González e Mariano Rajoy coincidiron este venres en sinalar que se dan as condicións necesarias, baixo o seu punto de vista, para que os países europeos poidan acoller a cidadáns rusos refuxiados, opositores á guerra ou defensores de dereitos humanos.
Dixérono durante unha mesa redonda que tiveron ambos os ex presidentes no Foro La Toja, en Galicia, onde centraron as súas primeiras intervencións en valorar a situación da guerra de Ucraína e as últimas manobras do presidente de Rusia, Vladimir Putin.
En concreto, ambos proclamaron que hai que cumprir a lei de asilo para poder acoller a estes cidadáns que foxen de Rusia despois de que Putin anunciase que podía chamar a reservistas para combater na guerra de Ucraína. "Hai leis de asilo e danse moitas condicións de asilo", defendeu González, que rexeitou que algún país "poida dicir que non está disposto a cumprir a lei".
En parecidos termos pronunciouse o ex xefe do Executivo do PP, que chamou a "cumprir as leis" en materia de asilo porque, segundo dixo, "isto ten que ver coa dignidade das persoas". "Quen pide asilo político en Rusia? Ninguén", ironizou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.