Esgotadas as visitas teatralizadas "Halloween" ao Castelo de Soutomaior
Por E.P. | PONTEVEDRA | 01/10/2022 | Actualizada ás 19:05
O castelo de Soutomaior inaugura este sábado as visitas teatralizadas, organizadas pola Deputación de Pontevedra, con todas as prazas esgotadas --840 que saíron á venda este venres--.
A entidade provincial dividiu as visitas en dous tipos de audiencia, 20 sesións para público familiar e oito para adulto. Os percorridos, dunha hora de duración, arrincan este sábado coas primeiras visitas teatralizadas para público familiar.
Nestas sesións, a participación das familias, apuntan, será esencial para descifrar os enigmas do Castelo e terán como protagonistas aos científicos Von Furenberg e Irina Calselberg, xunto aos autómatas Brunilda Kartoffel e Vettel Zanfonike, nunha historia ambientada a principios do século XX e cunha estética steampunk.
Tras esa xornada, as sesións desenvolveranse os días 2, 8, 9, 15, 16, 22, 23, 29 e 30 de outubro, coa posibilidade de elixir dous horarios por xornada, ás 12 e ás 16,30 horas.
No caso das visitas teatralizadas dirigdas a adultos, arrincan o 7 de outubro e estenderanse ata o día 29. No percorrido, os participantes poderán coñecer a historia do castelo mentres asisten a sucesos paranormales sen solución. Para poder saír da fortaleza, necesitarán pasar unha serie de probas. Tras a do día 7, haberá sesións o 8, 14, 15, 21, 22, 28 e 29 de outubro, ás 19,30 horas.
