A CIG denuncia a "discriminación" do persoal do 061 nos procesos do Sergas

Non puntúan os cursos levados a cabo en Quirón Prevención.

Por E.P. | SANTIAGO DE COMPOSTELA | 10/10/2022 | Actualizada ás 19:54

Comparte esta noticia

A CIG denunciou este luns a "discriminación" do persoal do 061 nos procesos de selección do Servizo Galego de Saúde (Sergas) por non puntuar os cursos de prevención levados a cabo en Quirón Prevención. Tal como informou a organización sindical, nos procesos selectivos do Sergas si puntúan os cursos de prevención de riscos laborais levados a cabo con entidades públicas, pero a 061 conta cun servizo alleo.

A pesar das peticións por parte da CIG á dirección do 061 de abandonar o sistema de prevención e mutualidade de accidentes de traballo privado para integrar ao persoal no Sergas, esta solicitude sempre foi rexeita por Urxencias Sanitarias e polo propio Servizo Galego de Saúde, segundo lamenta o sindicato.

"A CIG-Saúde abordou coa dirección do 061 este problema en diferentes ocasións, a última vez no Comité de Seguridade e Saúde de setembro, obtendo como noutras ocasións unha resposta negativa a buscar calquera tipo de solución para que estes cursos puidesen ser baremables polo Sergas", lamentou. 

Persoal do 061 en Galicia acode a un accidente de tráfico nun helicóptero medicalizado
Persoal do 061 en Galicia acode a un accidente de tráfico nun helicóptero medicalizado | Fonte: 061 - Arquivo - Europa Press

Por todo iso, denunciaron a actitude da dirección do 061, que "discrimina ás traballadoras" fronte ao resto do persoal estatutario do Sergas e esixiron unha "inmediata solución".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta