Por E.P. | SANTIAGO DE COMPOSTELA | 21/10/2022 | Actualizada ás 14:20
A secretaria xeral do PPdeG, Paula Prado, defendeu este venres que "o importante" é que a Axencia Española de Supervisión da Intelixencia Artificial (Aesia) quede "en Galicia". "O sitio dá igual", engadiu e apuntou a que é o Goberno central o que terá a decisión última.
Así o manifestou despois das críticas recibidas do delegado do Goberno en Galicia, José Miñones, quen, entre outras cuestións, suxeriu que a Xunta ía "tarde" na articulación dunha candidatura para a que chegaron a postularse tres urbes galegas: Santiago, A Coruña e Ourense.
Respecto diso, Prado replicou que descoñece cal é a "proposta" para Galicia de Miñones, dado que o dirixente, reprochou, "está sempre defendendo" ao presidente do Goberno, Pedro Sánchez. "Se a Axencia marcha de Galicia, de quen vai ser a responsabilidade? O importante é que quede en Galicia, o sitio dá igual", resolveu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.