Por Europa Press / Redacción | A CORUÑA | 01/11/2022 | Actualizada ás 14:15
Un coche quedou colgado dunha ponte en Ferrol e con risco de caer á AP-9F, segundo informa o parte de incidencias do servizo de emerxencias 112.
O accidente produciuse na rotonda da FE-13 que está situada encima do punto quilométrico 36 da AP-9F. O condutor e único ocupante do vehículo foi rescatado polos axentes da Policía Local, despois de que o coche finalizase nun terraplén e con risco de caer á autoestrada.
Os Bombeiros de Ferrol tamén acudiron ao lugar do sinistro. A pesar de que descartaron utilizar o material de excarceración para liberar ao home accidentado, si indicaron que o home estaba ferido.
Desde o 112 Galicia tamén se mobilizou ao servizo de mantemento da autoestrada, posto que, segundo indicaron varios particulares aos xestores do 112 ás 09,45 horas, caeran pedras da ponte á AP-9F a causa do impacto.
Os profesionais do Servizo de Urxencias Sanitarias de Galicia-061 tamén se desprazaron ata o lugar dos feitos, para prestar asistencia médica ao ferido.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.