Este ano licitarase a remodelación do Nó de Bombeiros e a ligazón norte de Pontevedra coa AP-9

Segundo sinalou a Delegación do Goberno nun comunicado, o orzamento de licitación das obras "ascende a 10,96 millóns de euros, o que representa un incremento de 3,9 millóns respecto ao orzamento de 2016".

Por E.P. | SANTIAGO DE COMPOSTELA | 15/11/2022 | Actualizada ás 19:20

Comparte esta noticia

O delegado do Goberno en Galicia, José Miñones, anunciou este martes a aprobación do proxecto de remodelación do Nó de Bombeiros de Pontevedra e o desbloqueo do enlace norte da cidade coa AP-9, que se licitarán antes de que termine o ano.

Miñones lembrou que en 2016 "aprobouse un proxecto que nunca se chegou a licitar" e que a Delegación do Goberno "está a recuperar o tempo perdido, respondendo con feitos".

Segundo sinalou a Delegación do Goberno nun comunicado, o orzamento de licitación das obras "ascende a 10,96 millóns de euros, o que representa un incremento de 3,9 millóns respecto ao orzamento de 2016".

Nesta liña, subliñou que a obra da ligazón coa AP-9 "dá resposta a unha demanda histórica da cidade". Así, explicou que "suporá unha mellora moi importante da mobilidade, fluidez e seguridade na conexión da Rede de Estradas do Estado co tecido urbano".

Miñones engadiu que a infraestrutura "está deseñada baixo criterios de integración ambiental e paisaxística, o que "reducirá as emisións". Ademais, a nova ligazón pasará a unha tipoloxía de tipo diamante con pesas coas dúas glorietas existentes, que se modifican para adecualas á nova configuración.

Así mesmo, o delegado do Goberno resaltou os 196 millóns de euros do Ministerio de Transportes que se recollen nos Orzamentos do Estado de 2023 para esta provincia, que supón "un esforzo investidor histórico do Goberno".

O delegado do Goberno en Galicia, José Miñones, durante a presentación este marte do proxecto de remodelación da Ligazón Pontevedra Norte. DELEGACIÓN DO GOBERNO EN GALICIA
O delegado do Goberno en Galicia, José Miñones, durante a presentación este marte do proxecto de remodelación da Ligazón Pontevedra Norte. DELEGACIÓN DO GOBERNO EN GALICIA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta