Comezan os traballos para baleirar a nave calcinada de Pontesa
Por Europa Press / Redacción | PONTEVEDRA | 17/11/2022 | Actualizada ás 17:23
Os traballos para extinguir por completo o incendio na nave de Pontesa e retirar o material almacenado no seu interior arrancaron xa, segundo informou a propia empresa e ratificou o Concello. A construción viuse afectada por un incendio o domingo 5 de novembro.
Apuntan que o plan de actuación de emerxencia foi desenvolvido e será executado por unha empresa homologada e autorizada no tratamento e xestión de residuos, contratada por Galigrain.
As actuacións foron definidas en colaboración co Instituto de Seguridade e Saúde Laboral (Issga), que deu o seu visto e prace ás accións.
Os traballos inícianse tras a comunicación ás autoridades competentes, e en coordinación directa cos Bombeiros.
As actuacións comezarán pola fachada lateral e cuberta da nave para acceder ao interior das instalacións con seguridade e así retirar o gran almacenado e arrefrialo.
Engaden que o plan inclúe accións de protección ambiental para minimizar o impacto dos procesos de extinción e enfriamento do medioambiente.
O Concello de Pontevedra, pola súa banda, ratificou estes datos e sinalou que os Bombeiros da localidade colaboran coas tarefas desde as 15,00 horas.
