Entra a "masiva" cifra de 7.000 facturas correspondentes ao mes de novembro no Concello de Santiago

O alcalde de Santiago, Xosé Sánchez Bugallo, sinalou que o consistorio rexistra "unha entrada masiva" de facturas do mes de novembro "brutal", ante o que estimou que entrarán 7.000 facturas no Concello.

Así o expuxo a preguntas dos medios, este venres en rolda de prensa, sobre a cifra de débeda de Raxoi que se sitúa, segundo o último informe do Ministerio de Facenda con datos actualizados a data do pasado mes de setembro, en 10,72 millóns de euros. Ademais, o período medio de pago é de 70 días.

O alcalde atribuíu esta cantidade a facturas "en tramitación" e apuntou que esa contía, "para facerse unha idea", equivale a unha factura dun mes. Ao mesmo tempo, destacou, que o período medio de pago reduciuse, o que recolle o "esforzo que se fai".

Con todo, Bugallo incidiu en que se "está traballando a lume de biqueira" para "tentar que se fagan efectivas todas as posibles" antes do 31 de decembro.

Pazo de Raxoi, sede do Concello de Santiago | Fonte: Europa Press