O Goberno pide ás enerxéticas que respeten a lexislación, pendente da investigación da CNMC sobre posibles prácticas anticompetitivas

A secretaria de Estado de Enerxía, Sara Aagesen, fixo este mércores un chamamento ás empresas enerxéticas para que actúen "acorde coa lexislación" vixente, á vez que afirmou que o Goberno estará "pendente" da investigación iniciada pola Comisión Nacional do Mercado e a Competencia (CNMC) neste sentido.

Así respondeu, a preguntas dos medios, nun acto en Santiago de Compostela despois de coñecerse que a CNMC abriu unha investigación a diversos operadores activos no sector enerxético español por posibles prácticas anticompetitivas.

A tenor desta cuestión, de "ultimísima hora", dixo Aagesen, a secretaria de Estado mostrou o seu respecto polo labor do CNMC, que está "a exercer o seu labor" con esta investigación, da que dixo que o Goberno "estará pendente" para "ver como se resolve".

A continuación, fixo un chamamento ás empresas enerxéticas para que "o seu comportamento sexa acorde coa lexislación" e que non sexa necesario abrir "este tipo de expedientes de información que distorsionan, ao final, a mensaxe que chega á poboación".

Detalle do termómetro dun establecemento tras a entrada en vigor das primeiras medidas do Plan de medidas de Aforro e Eficiencia Enerxética da Administración Xeral do Estado | Fonte: María José López