Por Europa Press / Redacción | OURENSE | 13/01/2023 | Actualizada ás 16:53
Cinco persoas de distintas nacionalidades foron detidas por estafar a unha empresa de Ourense á que enganaron facéndose pasar por un provedor a través dun correo electrónico para que lles transferise diñeiro a unha conta bancaria.
A investigación estivo dirixida polo 'Equipo @' da Garda Civil de Ourense, que iniciaron as pescudas despois de que unha empresa presentase unha denunciaba na que aseguraba ser vítima dunha estafa.
Os arrestados enviaron un correo eléctrico a esta empresa no que se facían pasar por un provedor habitual. Nel, incluían un arquivo adxunto cunha factura na que figuraba un número de conta no que realizar o pago.
Os responsables da empresa abonaron a contía requirida pero, días despois, o provedor púxose en contacto para informar que non recibira o diñeiro.
A investigación determinou que este grupo modificou o documento adxunto coa factura para cambiar o número de conta corrente de ingreso e así darlle "aparencia de legalidade".
Os detidos son dous españois veciños de Roquetas de Mar (Almería) e Sevilla, un cidadán inglés, un colombiano e un alxerino, aos que se imputa un delito de estafa e falsidade documental. As dilixencias foron remitidas ao xulgado de instrución de garda de Ourense.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.