Sonia Teijeiro será a candidata á Alcaldía en Lugo de Vox, á quen so lle quedan Ferrol e Santiago sen confirmar
Por Europa Press / Redacción | LUGO | 13/01/2023 | Actualizada ás 19:53
Vox informou este venres de que o seu Comité Executivo Nacional designou a Sonia Teijeiro como candidata da formación á Alcaldía da cidade nos comicios municipais do próximo mes de maio.
Formada en enxeñaría técnica Forestal e superior de Montes, ten unha ampla experiencia no seu sector. Ademais, xa foi candidata á Alcaldía da urbe en anteriores ocasións e, nas eleccións autonómicas de 2020 encabezou a lista lucense ao Parlamento galego.
Vox destaca o seu papel "moi activo" dentro da formación que dirixe Santiago Abascal e que "non parou de percorrer a súa cidade para coñecer os problemas dos veciños".
Agora, engade a formación asume con "responsabilidade e ilusión" este novo encargo de Vox para "dar voz aos veciños da cidade".
FERROL E SANTIAGO SEN CONFIRMAR
Tras a confirmación da aspirante lucense, para pechar as sete urbes galegas, a Vox só lle quedan por designar os candidatos de Ferrol e Santiago.
Xa ratificados oficialmente están a catedrática Eva María Castro Caridade, quen pugnará en maio do ano que vén pola Alcaldía da Coruña; e José Manuel Torres, funcionario do Concello de Pontevedra e xa cabeza de lista do partido de Santiago Abascal en 2019, e que repite este ano nos comicios locais.
Ademais, o Comité Executivo Nacional de Vox designou a José Fermín Troncoso como candidato á Alcaldía de Ourense e a Álvaro Díaz-Mella en Vigo.
