Corenta e cinco traballadores serán despedidos debido ao peche de cinco tendas de Inditex en Galicia
O grupo ofrece recolocaciones, pero a CIG denuncia que os postos implican diminución de dereitos e esixe a súa conservación.
Por Europa Press / Redacción | Santiago de Compostela | 23/01/2023 | Actualizada ás 14:23
Un total de 45 traballadores veranse afectados o peche este mes de cinco tendas de Inditex en Galicia: as de Massimo Dutti e Oysho nas Cancelas (Santiago), Bershka en Vilagarcía e Pontevedra e Kiddy's Class de Pontevedra.
O grupo explica que estes peches forman parte do plan de "optimización da superficie comercial" e asegura que "todos os traballadores afectados van recibir ofertas de recolocación noutras tendas, como vén sendo a norma en todos os casos en que se produciron peches e como foi acordado cos sindicatos a nivel nacional".
Con todo, a CIG denuncia a diminución de dereitos coas recolocaciós que ofrece Inditex, polo que empezou a mobilizarse este luns, cunha concentración na Praza de Galicia, na capital galega, fronte á tenda de Massimo Dutti. O lema da pancarta, 'Pola conservación dos nosos dereitos nas tendas de Inditex'.
Os peches, segundo subliñan fontes de Inditex consultadas por Europa Press, forman parte do plan que vén desenvolvendo a nivel mundial desde hai anos. É un tema coñecido, alegan, como tamén é coñecida, segundo a multinacional, a maneira en que se trata de evitar o impacto en termos de emprego.
No entanto, a portavoz da CIG Carmiña Naveira critica que "se tentou falar coa empresa para que garantise as condicións actuais, tanto de categoría como incentivos e uns horarios que facilitasen a conciliación e respectasen os calendarios". E de momento, segundo advirte, non hai "ningunha resposta".
FOLGA INDEFINIDA
En Compostela, os afectados son nove traballadores de Massimo Dutti e seis de Oysho, ambos os centros situados no centro comercial das Cancelas e que pecharán a final de mes. Antes, a central nacionalista convocou unha folga indefinida na primeira das tendas para forzar ao grupo a negociar.
"Os peches fanse para rendibilizar máis a empresa, non porque perdan diñeiro", critica Naveira. Segundo remarca, a Inditex sóbralle " como recolocar aos traballadores garantindo as condicións das que gozan actualmente".
Con todo, censura que "se amparan nun acordo pactado con CC.OO. e UGT" no ámbito estatal que, avisa, na comunidade "non ten ningún tipo de validez". A este respecto, considera que Inditex "puentea" a representación da CIG ao remitir ao devandito pacto coas organizacións estatais. Deste xeito, "os horarios que presenta a empresa --segundo os traballadores-- incumpren ese acordo pactado no seo dos comités a nivel provincial".
MASSIMO DUTTI
No caso de Massimo Dutti, Inditex ofrece vacantes en distintas cadeas como Zara, Lefties e o propio Massimo Dutti, "que non garanten a recolocación de todos", senón "só cinco dos nove afectados", segundo a representante da CIG.
Faino, ademais, "con calendario sempre de tardes e un día libre", xa que "non garante o sábado libre", nin polo tanto "as condicións actuais". Para algúns traballadores, mesmo, "supón unha perda de poder adquisitivo entre outras cousas".
Carmiña Naveira exemplifica isto coa categoría dun xefe de sección cun incentivo ao que "recolocan a modo de dependente", o que "supón unha penalización para os traballadores, que son os que pagan este tipo de peches no grupo Inditex".
"UN ERE ENCUBERTO"
Tamén en Pontevedra, representantes da CIG anunciaron folga indefinida a partir deste xoves 26 contra a decisión da multinacional Inditex de pechar os establecementos de Bershka en Pontevedra e Vilagarcía o vindeiro luns 30.
Ademais deste paro, as traballadoras teñen prevista unha manifestación en Pontevedra este venres 27 ás 20,30 horas con saída desde o Hospital Provincial e final diante da tenda de Bershka, na rúa Benito Corbal. Na súa protesta esixirán a recolocación de todo o persoal e que o seu traslado se faga cunha compensación económica que non implique perda de salario.
A secretaria nacional da CIG-Servizos, Transi Fernández, e a responsable comarcal da federación en Pontevedra, Diana Rodríguez, compareceron este luns ante os medios de comunicación para denunciar o que consideran "un ERE encuberto" por parte da empresa téxtil xa que, das 21 traballadoras afectadas, Inditex unicamente oferta tres vacantes de recolocación en tendas do grupo en Pontevedra e Vilagarcía, que se cubrirían atendendo á antigüidade. O resto terían que trasladarse a Vigo.
Ademais, criticaron estas responsables sindicais que estas vacantes contemplan xornadas de menos horas das que as traballadoras teñen por contrato na actualidade, non respectan as condicións laborais que ten o persoal pontevedrés, "ademais non poderían conciliar" e a axuda mensual para as traballadoras que acepten o traslado é de 0,19 euros por quilómetro, pero a partir do quilómetro 25, polo que o persoal pontevedrés que opte pola recolocación nas tendas viguesas unicamente cobraría seis quilómetros.
"O que está claro é que Inditex pretende que as afectadas non acepten a recolocación e opten por abandonar a empresa", afirmaron. Finalmente, a CIG criticou o acordo asinado a nivel estatal por CC.OO. e UGT con Inditex sobre o proceso de dixitalización das vendas porque contempla indemnizacións "ridículas" de 33 días por ano "cando noutros traslados consegu
