Tres persoas feridas logo dun choque entre un camión e un vehículo en Punxín

Os tres ocupantes do coche foron trasladados polos efectivos de Urxencias Sanitarias de Galicia-061 ao Complexo Hospitalario Universitario de Ourense.

Por Europa Press / Redacción | Punxín | 23/01/2023 | Actualizada ás 20:42

Comparte esta noticia

Un choque dun coche contra un camión en Punxín saldouse con tres persoas feridas, segundo informou o 112.

Helicóptero do 061
Helicóptero do 061 | Fonte: CEDIDA - EP.

Os bombeiros do Carballiño interviñeron co material de excarceración para liberar ao condutor do turismo; mentres que os seus dous acompañantes puideron saír polo seu propio pé. Os tres ocupantes do coche foron trasladados polos efectivos de Urxencias Sanitarias de Galicia-061 ao Complexo Hospitalario Universitario de Ourense.

O condutor do camión, que non transportaba mercadorías perigosas, resultou ileso.

O accidente produciuse no punto quilométrico 16 da N-541, uns minutos antes das 16,15 horas deste luns. Foi unha persoa particular a que contactou co 112 Galicia nese momento para alertar da colisión.

O 112 Galicia solicitou a intervención de Urxencias Sanitarias de Galicia-061, da Garda Civil de Tráfico, dos bombeiros do Carballiño e do servizo de mantemento da vía de circulación.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta