A compravenda de vivendas sobe un 8,6% en 2022 en Galicia a pesar da crise

O total de leiras transmitidas o pasado ano en Galicia supón un incremento do 2,3%, ata 109.012.

Por Erik Dobaño | Santiago de Compostela | 17/02/2023 | Actualizada ás 11:50

Comparte esta noticia

A compravenda de vivendas rexistrou en 2022 un aumento do 8,6% en Galicia con respecto ao ano anterior, ata un total de 21.527 operacións. Pola súa banda, o conxunto estatal anotouse un incremento do 14,7%, segundo os datos que publica este venres o Instituto Nacional de Estatística (INE).

As 21.527 vivendas que se compraron o ano pasado en Galicia arroxan un cociente de 987 operacións por cada 100.000 habitantes. Pola súa banda, o total de leiras transmitidas alcanzou as 109.012, que supoñen un 2,3% máis que en 2021 e 5.000 operacións por cada 100.000 galegos.

Estas 109.012 leiras transmitidas en todo o pasado exercicio distribuíronse entre 32.029 rústicas e 76.983 urbanas: 41.864 vivendas, 2.731 solares e 32.388 doutro tipo. As 41.864 vivendas transmitíronse a través de 21.527 compravendas, 393 doazóns, 67 permutas, 9.981 herdanzas e 9.896 operacións doutra clase. Mentres, as 21.527 vivendas que se compraron correspondéronse fundamentalmente con vivenda libre (20.785) e usada (16.880), fronte á protexida (742) e a nova (4.647).

Edificio de pisos para vivenda en construción
Edificio de pisos para vivenda en construción | Fonte: EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta