O abaratamento da enerxía modera os prezos industriais ao 7% en Galicia, a súa menor cifra en case dous anos
Por E.P. | SANTIAGO DE COMPOSTELA | 24/02/2023 | Actualizada ás 11:08
Os prezos industriais creceron un 7,1% en Galicia xaneiro de 2023 en comparación co mesmo mes do ano anterior. No entanto, modérase a inflación interanual respecto ao 13% que se computaba no mes anterior, decembro, debido ao abaratamento da enerxía.
Este 7,1% supón a menor inflación de prezos industriais desde hai case dous anos, xa que non se produce un dato máis baixo desde marzo de 2021 --no 5% por entón--. Neste período no que se encadeou unha escalada de taxas dous díxitos, a cifra máis avultada chegou a ser do 52,3% --marzo de 2022--.
Ademais, os prezos industriais galegos encadean 23 meses consecutivos en positivo, pois o último rexistro negativo foi en febreiro de 2021 (-1%). Así mesmo, a taxa interanual galega de xaneiro é un punto inferior ao 8,2% de crecemento que se produce na media española, segundo o INE.
Esta moderación da inflación explícase pola baixada dos prezos da enerxía, un 2,2% menos en taxa interanual e un 10,5% menos en taxa intermensual en Galicia. Mentres, repuntan o resto de materias respecto dun ano antes: bens de consumo (14,8%), bens intermedios (12%) e bens de equipo (3,7%).
