A Xunta inaugura en Ourense unha fonte termal e Jácome táchaa de "actuación
"En Ourense a gran inauguración é unha fonte de 100.000 euros", sinalou o rexedor
Por E.P. | Ourense | 20/03/2023 | Actualizada ás 17:57
A conselleira de Infraestruturas, Ethel Vázquez, desprazouse este luns a Ourense para inaugurar unha fonte termal na contorna de Os Remedios, unha acción que o alcalde da cidade, Gonzalo Pérez Jácome criticou por tratarse dunha "actuación nimia" para a urbe, en comparación con outras intervencións da Xunta no resto de provincias.
"Todo o que sexan inauguracións é bo", destacou, no entanto, Pérez Jácome, quen subliñou, ademais, que a fonte está realizada por arquitectos ourensáns e que "se integra perfectamente" na zona.
A continuación, dixo que "a mala noticia" é que a Xunta de Galicia "fai ese despregamento para un investimento tan nimia" de 100.000 euros, unha dotación que tachou de "solto", comparándoa coa cidade da Coruña ou a cidade de Vigo.
"En Ourense a gran inauguración é unha fonte de 100.000 euros, paréceme un auténtico solto", manifestou o alcalde, quen compareceu ante os medios ao carón da conselleira. Ethel Vázquez, pola súa banda, dixo sentirse "perplexa" polas palabras do rexedor.
UN SÍMBOLO
Na súa intervención, a conselleira puxo en valor a obra, lembrando que se enmarca dentro da actuación de mellora da contorna da Ponte Romana e da capela de Os Remedios, unha zona que severá completada co novo eixo de mobilidade sustentable.
Para Vázquez, a fonte termal "é unha obra emblemática" para "pór no mapa" das cidades termais a "a capital termal" de Galicia. Por iso, lamentou que o rexedor "non vexa que se trata dun símbolo de atracción turística" e afeou que "o desprece con semellantes declaracións".
