Pillan a un condutor sen carné que circulaba a 193 km/h nun tramo da AP-9 limitado a 90
Perdera todos os puntos do permiso de conducir
Por Europa Press / Redacción | A Coruña | 25/03/2023 | Actualizada ás 10:54
Axentes da Garda Civil da Coruña investigan a un condutor sen carné que foi sorprendido circulando a 193 quilómetros por hora nun tramo da AP-9 limitado a 90. Segundo informaron, o condutor foi detectado por un radar de tramo situado no Túnel de Sartego, no quilómetro 31 da AP-9F, dirección Ferrol.
Dado que a velocidade era máis do dobre da permitida na zona, a infracción foi derivada desde o centro de control automatizado a unha patrulla, que localizou ao condutor pouco despois.
No transcurso da súa identificación, os axentes descubriron, ademais, que o home carecía de permiso de conducir, xa que perdera todos os puntos. Por iso, impútanselle dous delitos contra a seguridade viaria.
