O norte da Coruña e de Lugo, en aviso amarelo este mércores por ventos e fenómenos costeiros

O norte das provincias da Coruña e de Lugo permanecerá en aviso amarelo este mércores por ventos que poderían superar os 80 quilómetros por hora e por fenómenos costeiros. Espérase unha xornada en Galicia que arrincará con ceos despexados que se irán cubrindo a medida en que avanza o día, con posibilidade de choivas débiles durante a tarde, sobre todo no oeste.

En concreto, A Coruña e Lugo terán risco por ventos con refachos de ata 80 quilómetros por hora e por fenómenos costeiros, xa que se espera vento do suroeste a unha velocidade de entre 50 e 61 quilómetros por hora (forza 7) e mar combinado de oeste a suroeste de 4 a 5 metros.