A Asociación Sociocultural ASCM incorpórase ao Consello Asesor de Pacientes da área sanitaria de Ferrol
Por E.P. | Ferrol | 29/03/2023 | Actualizada ás 13:58
O Diario Oficial de Galicia (DOG) publicou este mércores unha resolución pola que a Asociación Sociocultural ASCM incorporarase ao Consello Asesor de Pacientes da área sanitaria de Ferrol.
Tal e como destaca a Xerencia nun comunicado, este colectivo dedícase, entre outras funcións, ao desenvolvemento de actividades de promoción e atención a persoas con discapacidade.
Os consellos asesores foron creados para dar maior participación aos pacientes sobre aspectos relacionados coa asistencia sanitaria, a prevención de enfermidades e o deseño dos espazos das instalacións para a mellora da súa accesibilidade e funcionamento.
A da área de Ferrol creouse en 2019 e nun inicio estaba conformada por 19 asociacións que, a partir da incorporación de ASCM, elévanse a 21. Este Consello reuniuse en catro ocasiones desde a súa creación e durante a pandemia mantivo encontros telemáticos.
