"Vigo no, Vigo no"

Vai camiño de converterse en algo habitual, dentro dos informes semanais sobre os cánticos no fútbol. A Liga de Fútbol Profesional enviou este martes as denuncias sobre os berros nos estadios que incitan á violencia e a intolerancia, e de novo cos Riazor Blues de protagonistas.

Foi no partido do pasado venres en Riazor, fronte ao Eibar, e aconteceu na bancada de maratón inferior, onde se ubican os Riazor Blues. Así o recolle o informe que a LFP enviou ao Comité de Competición e a Antiviolencia: “Entonación de cánticos en el recinto deportivo, durante el partido, en el minuto 23 y desde el grupo de espectadores del equipo local ubicado en la grada de Maratón inferior del estadio y conocido como Riazor Blues del siguiente cántico: “Vigo no, Vigo no, Vigo no; Vigo no, Vigo no, Vigo no; hijos de puta!; Vigo no”; todo ello de manera repetida, y de forma coral y coordinada, por parte del mencionado grupo exclusivamente”.

O escrito da LFP deixa ben claro que estes berros foron cousa só dos Riazor Blues: “Dichos cánticos no fueron seguidos ni coreados en ningún momento por el resto de espectadores presentes en el estadio, cuyo comportamiento fue correcto en todo momento”.

Os Riazor Blues xa aparecían no informe de hai 20 días co gallo do partido Dépor-Barça en Riazor, polos cánticos contra Rafinha, ex-xogador do Celta e con familia en Vigo, a quen berraron: “Tu, vigués, puto portugués”.