A Xunta outorga autorización administrativa previa ao parque eólico Monte da Croa, en Dumbría e Vimianzo

O Diario Oficial de Galicia (DOG) publica este xoves unha resolución pola que se outorga autorización administrativa previa ás instalacións do parque eólico Monte da Croa, nos concellos coruñeses de Dumbría e Vimianzo. Promóveo Carteira Vimira 24, S.L., para unha potencia de 27 megawatts.

Ademais, a mesma resolución dá tamén autorización administrativa de construción ao proxecto de execución das instalacións deste parque eólico. De acordo coa resolución, da Dirección Xeral de Planificación Enerxética e Recursos Naturais, o orzamento de execución material é de máis de 27,7 millóns de euros.

Varias vacas pastan xunto a un aeroxerador eólico no Parque eólico de Montouto, da Serra do Xistral | Fonte: Europa Press