O Colexio de Enxeñaría en Informática premia ao Grupo Calvo por un proxecto de 'residuo cero'

Por E.P. | SANTIAGO DE COMPOSTELA | 19/05/2023 | Actualizada ás 18:44

Comparte esta noticia

O Colexio profesional de Enxeñaría en Informática de Galicia (CPEIG) outorgou o Premio Obxectivos de Desenvolvemento Sustentable (ODS) ao proxecto 'Calvo Residuo Cero', segundo informa.

Trátase, indica, de "unha das iniciativas de sustentabilidade máis representativas de Grupo Calvo, compañía global de alimentación,especializada en conservas de peixe con sede en Carballo".

O CPEIG sinala que esta distinción se concede "a unha empresa emblemática como é Grupo Calvo en Galicia, nunha categoría de tanta transcendencia como a da consecución dos ODS onde a informática é unha ferramenta fundamental para a conservación do medio ambiente".

O proxecto naceu en 2017 nas fábricas que Grupo Calvo ten en Galicia estendéndose en 2018 e 2019 ao resto das súas plantas (Brasil e O Salvador). Forma parte da iniciativa 'compromiso responsable' de Grupo Calvo, con 21 obxectivos cuantificables a 2025 nos ámbitos de océanos, medio ambiente e persoas.

Arquivo - Fábrica do Grupo Calvo. MÓNICA NOYA - Arquivo
Arquivo - Fábrica do Grupo Calvo. MÓNICA NOYA - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta