A USC destaca en igualdade de xénero segundo o Impact Ranking para o desenvolvemento sustentable
A institución compostelá ocupa o tramo 101-200 nos obxectivos relativos á calidade da educación e á vida de ecosistemas terrestres, mentres que en igualdade de xénero sitúase no intervalo de 201-300.
Por E.P. | SANTIAGO DE COMPOSTELA | 01/06/2023 | Actualizada ás 18:21
Educación de calidade, igualdade de xénero, vida de ecosistemas terrestres e alianzas son o catro obxectivos de desenvolvemento sustentable (ODS) nos que destaca a Universidade de Santiago de Compostela (USC), situándose no tramo entre 401-600 dun total de 1.591 centros de máis de 110 país.
Así se desprende do Impact Ranking co que Times Higher Education mide o grao de cumprimento das universidades con estas 17 metas definidas en 2015 pola Organización das Nacións Unidas (ONU).
Neste sentido, a institución compostelá ocupa o tramo 101-200 nos obxectivos relativos á calidade da educación e á vida de ecosistemas terrestres, mentres que en igualdade de xénero sitúase no intervalo de 201-300. Finalmente, no relativo ás alianzas para conseguir os obxectivos, a USC situouse no posto 801-1000 dun total de 1.625 institucións.
