Case mil voluntarios colaboran nas 59 recollidas de lixo de 'basuraleza' en Galicia
Por E.P. | SANTIAGO DE COMPOSTELA | 03/06/2023 | Actualizada ás 19:45
Case mil voluntarios colaboraron este sábado nas 59 recollidas de lixo de '1m2 contra a basuraleza', do Proxecto LIBERA, de SEO/BirdLife en alianza con Ecoembes, celebradas este sábado en toda Galicia, das que 18 situáronse na provincia da Coruña, cinco na de Lugo, 10 na de Ourense e 26 na de Pontevedra.
A directora xeral de Calidade Ambiental, Sostibilidade e Cambio Climático, Sagrario Pérez, participou na sétima edición desta xornada colaborativa celebrada con motivo do Día mundial do medio ambiente.
Durante a actividade, que tivo lugar no municipio lucense de Taboada, Sagrario Pérez, destacou o compromiso da Xunta de Galicia co impulso e promoción desta iniciativa, que se enmarca no proxecto Libera creado por SEO/BirdLife e Ecoembes co obxectivo de "loitar contra a presenza de lixo na natureza e sensibilizar á cidadanía sobre este problema ambiental".
Inciden nun comunicado en que este tipo de campañas de sensibilización e mobilización cidadá contribúen a "eliminar da contorna natural todo tipo de residuos perigosos como poden ser cabichas, pneumáticos, envases plásticos e outros residuos".
