O PSdeG denuncia que a Xunta renunciou a 180 prazas de médicos de familia

O portavoz de Sanidade do Grupo Socialista, Julio Torrado, asegurou que "o problema das prazas formativas en Galicia ten un nome" e "chámase PP". Nun comunicado aos medios, o deputado socialista lamentou que o PP e a Xunta "sigan ancorados no cinismo, en ser cicateiros e en embarrar con problemas para non sumarse ás solucións" e asegurou que leste mesmo ano renunciaron a "formar a máis de 100 profesionais MIR dispoñibles coma se sobrasen".

Así mesmo, lembrou que o Goberno central fixo este ano unha convocatoria marca de prazas formativas sanitarias en Galicia e en toda España. "E xa van seis consecutivas, pero foi descartada polo Goberno galego. O mesmo goberno que na última década recortou profesionais e non os repuxo", manifestou para soster que "renunciaron a 180 prazas de médicos de familia que poderían estar a traballar en Galicia e non se formaron porque Feijóo e Rueda renunciaron a eles".

Torrado argumentou que mentres Rajoy no goberno de España "nunca chegou a darlle a oportunidade a Galicia de chegar nin a 100 prazas anuais de médicos de familia", o goberno actual "supera as 200 prazas ao ano no últimas tres convocatorias, e Galicia é unha das comunidades máis favorecidas de España". "É o PP desde a Xunta", dixo, "quen lle dá ás prazas galegas baixa calidade" e por iso "os profesionais que saen das facultades e teñen que facer o MIR déixanas baleiras".

Neste sentido, Torrado asegurou que estas prazas, especialmente en atención primaria, "non teñen a calidade suficiente" e teñen "os salarios máis baixos de España". "E por iso os profesionais collen outras prazas", apuntou.

O deputado do PSdeG Julio Torrado no Parlamento de Galicia | Fonte: PSDEG