Ferido leve tras saírse da vía e chocar contra un farol e seis coches en Sanxenxo

Unha persoa resultou ferida leve tras saírse da vía e chocar contra un farol e seis coches en Sanxenxo na madrugada deste sábgado. Unha persoa particular chamou sobre as 5,00 horas ao 112 para informar o accidente.

Concretamente, segundo inclúe o parte da Central de Atención ás Emerxencias, o sinistro tivo lugar na PO-308, entre os quilómetros 26-27, en Noalla. A persoa que alertou do sinistro avisou de que un vehículo se saíu da vía e chocou contra un farol e outros coches que estaban estacionados e que tanto o vehículo como o farol quedaran atravesados na vía.

Ata o lugar acudiron nada máis ser avisados polo 112 Galicia, os axentes de Tráfico, da Policía Local e os membros do GES de Sanxenxo, que, ao chegar, solicitaron unha ambulancia para o condutor. Ademais, foron informados os Bombeiros de Ribadumia e o persoal de mantemento da vía. Con todo, unha vez no punto, os membros do GES confirmaron que, en total, outro seis coches ademais do implicado resultasen danados.