Feijóo ficha a ex de Cs e conselleira de Cultura de Madrid, Marta Rivera, como número dous en Madrid
De orixe lucense fora elixida por Ciudadanos na lista da Coruña ao Congreso fai catro anos.
Por Europa Press / Redacción | MADRID | 14/06/2023 | Actualizada ás 12:18
O líder do PP, Alberto Núñez Feijóo, elixiu á conselleira de Cultura na Comunidade de Madrid, Marta Rivera da Cruz, ex de Cs e de orixe lucense, como número dous na candidatura do PP ao Congreso dos Deputados, segundo informou o Partido Popular.
Rivera da Cruz, escritora e conselleira de Cultura da Comunidade de Madrid con Isabel Díaz Ayuso, presentouse ás eleccións municipais do pasado 28 de maio na lista do PP que encabezou José Luís Martínez Almeida.
Independente, e no seu día militante de Cs --partido co que chegou a ser deputada no Congreso pola Coruña en 2019--, reforza o compromiso de Feijóo pola Cultura nunha lista na que tamén estarán perfís vinculados ao sector, como son Borja Sémper e Jaime de los Santos, segundo engadiu a formación.
