Investigado un motorista sen carné que atropelou a unha muller en Ourense e deuse á fuga

A Garda Civil de Tráfico abriu dilixencias de investigación con respecto a un veciño de Ourense, de 26 anos de idade, como presunto autor dun delito contra a seguridade viaria, por circular sen carné e atropelar a unha persoa.

Segundo informaron fontes do Instituto Armado, o accidente tivo lugar o pasado 20 de xuño no polígono empresarial de San Cibrao das Viñas, onde un motorista arroiou a unha muller e posteriormente deuse á fuga.

As pescudas policiais permitiron identificar e localizar ao presunto autor destes feitos, e os axentes comprobaron que o sospeitoso carece de permiso de conducir, polo que foi denunciado por un suposto delito contra a seguridade viaria.

Interceptado un motorista | Fonte: Garda Civil