Restrinxido o consumo de auga da billa na Rúa tras detectarse un brote de gastroenterite

O consumo de auga da billa foi restrinxido no municipio ourensán da Rúa tras detectarse un brote de gastroenterite entre os veciños. Segundo informou a Europa Press a alcaldesa, María González Albert, de forma paralela á aparición dos síntomas nos veciños, detectouse nun depósito secundario da rede de abastecemento a presenza de contaminación no marco das analíticas habituais que levan a cabo na rede de abastecemento.

Precisamente, Sanidade informaron de que se detectou contaminación microbiolóxica por presenza de coliformes e E. Coli. Por este motivo, comunicouse a situación ao Concello, así como as restricións de uso mentres non leve a cabo a limpeza e desinfección do depósito afectado, da rede de abastecemento e verifíquese, mediante analísticas, que a situación volve á normalidade.

Deste xeito, a Cosnellería de Sanidade trasladou ao Consistorio que, mentres non se rexistren os valores adecuados para o consumo, non se poderá utilizar a auga da billa nin para a súa inxesta nin para a preparación de alimentos nin para a hixiene bucodental. Si se poderá seguir empregando para a hixiene persoal e para a limpeza doméstica.

Pola súa banda, a rexedora informou de que xa se están levando a cabo as tarefas de limpeza e que a auga que baixa "empeza a estar ben", aínda que haberá que esperar aos resultados das análises para que se poida retomar o consumo da auga da billa.

Conforme indicou, este episodio de contaminación afectou á poboación de tres cuartas partes da localidade, tendo en conta que non chegou aos veciños da Rúa Vella, que teñen unha rede de subministración distinta.

Auga da billa | Fonte: Europa Press.