A provincia de Ourense e o sur de Lugo atópanse en nivel extremo de risco de incendio este mércores
Por Europa Press / Redacción | SANTIAGO DE COMPOSTELA | 19/07/2023 | Actualizada ás 10:09
A provincia de Ourense, o sur de Lugo e algunhas zonas da Coruña e Pontevedra atópanse en nivel extremo de risco de incendio este mércores.
Así figura no Índice de risco diario de incendio forestal (IRDI), que elabora a Consellería de Medio Rural, no que se observa que case a totalidade do resto de Galicia atópase en risco alto de lume.
Para este índice téñense en conta a análise de diversos factores que inflúen no comportamento do lume, tales como condicións de seca, humidade, temperatura e vento.
Precisamente, para esta xornada Meteogalicia prevé que se superen os 30 graos en diferentes puntos da provincia ourensá, nun mércores no que se prevé alcanzar os 32 graos na cidade das Burgas.
