Aproban dous de cada tres alumnos presentados ás probas extraordinarias de selectividade en Galicia

Dous de cada tres alumnos galegos que se presentaron ás probas extraordinarias de selectividade este ano aprobaron, segundo os datos feitos públicos este mércores pola Comisión Interuniversitaria de Galicia (CIUG).

En concreto, dos 2.758 matriculados á fase extraordinaria das probas de avaliación de Bacharelato para acceso á universidade (Abau), presentáronse finalmente o 95,14%, isto é 2.624 alumnos --1.942 á parte obrigatoria--.

Deles, 1.283 alumnos resultaron aptos, é dicir, o 66,07% dos presentados. A consideración de apto implica que a media ponderada do expediente en Bacharelato (o 60% da nota) e o cinco exames da fase xeral da Abau suman, polo menos, un cinco.

Estudantes esperan antes de comezar as probas de acceso á universidade 2022 | Fonte: Álvaro Ballesteros