Aberto o prazo para participar no Premio Xosé Neira Vilas de novela curta para público infantil e xuvenil

A Fundación Xosé Neira Vilas convoca un ano máis o Premio Xosé Neira Vilas de Novela Curta, para obras en galego destinadas a público infantil e xuvenil e que está dotado con 1.000 euros e a edición do texto.

O prazo de presentación de orixinais está aberto ata o 9 de outubro de 2023 e estes deberán ser inéditos e ter un mínimo de 50 páxinas e un máximo de 150, mecanografiados en letra Estafes New Roman de corpo 12 e a dobre espazo.

O premio entregarase o 3 de novembro de 2023, coincidindo co aniversario do nacemento de Xosé Neira Vilas e Día da Lectura. As bases completas poden consultarse na web da Fundación, en www.neiravilas.gal.

Xosé Neira Vilas, escritor | Fonte: CONSELLO DA CULTURA GALEGA - Arquivo