Seis municipios da provincia da Coruña acollerán os concertos de 'Espazos Sonoros'
Fisterra, Ares, Brión, Narón, A Laracha e A Coruña disfrutarán da unión entre música e patrimonio entre o 2 e o 24 de setembro.
Por Europa Press / Redacción | A CORUÑA | 08/08/2023 | Actualizada ás 17:27
Fisterra, Ares, Brión, Narón, A Laracha e A Coruña acollerán os concertos de 'Espazos Sonoros', unha iniciativa promovida pola Deputación coruñesa e que une música e patrimonio. Así o informaron, na súa presentación, o deputado de Patrimonio e Contratación, Xosé Lois Penas, e a directora artística de 'Espazos Sonoros', Belén Bermejo.
Santa María do Ánxeles (Brión), San Martiño de Xuvia (Narón), San Pedro de Soandres (A Laracha), o Muncyt da Coruña ou a lonxa de Fisterra serán os escenarios desta proposta, que terá lugar entre o 2 e o 24 de setembro. Sobre os concertos previstos, o deputado de Patrimonio dixo que "non vai só de música clásica". "Fala do noso país, da nosa cultura, de moitas cousas que axudan a crear territorio".
Á súa vez Belén Bermejo apuntou que se busca "a coherencia" entre a música e o lugar onde se desenvolven os concertos e detallou que a programación musical complétase con visitas guiadas e rutas que axudan a interpretar a historia ou a riqueza patrimonial.
