O Centro Dramático Galego presenta no festival de artes de Galway a súa peza 'An Fear Liath'

O Centro Dramático Galego estreou no Galway International Arts Festival 'An Fear Liath', unha peza creada en coprodución co Teatro Nacional de Irlanda e o Tryater de Países Baixos, no marco do proxecto europeo Phone.

Segundo informou a Xunta, a estrea desenvolveuse con "gran éxito de público" na programación dunha das citas culturais "máis relevantes" de Irlanda, cun enfoque multidisciplinar e moi orientado aos procesos, aborda as traxedias no mar.

Sobre un texto orixinal de Philip Doherty, o director do Centro Dramático Galego, Fran Núñez, adapta e dirixe unha peza en gaélico que une Galicia e Irlanda a través dunha cultura atlántica compartida polos dous territorios, na que está moi presente a mitoloxía e o drama común que percorre as historias dos dous pobos: os desaparecidos no mar.

A posta en escena usa como localización uno dos peiraos da cidade irlandesa, que serve para ambientar esta historia que camiña entre este mundo e o outro, e que envolve no tráxico relato dunha aldea de pescadores que se ve sacudida pola inexplicable desaparición dun barco pesqueiro familiar no océano. Joan, a filla maior, regresa a casa pero enseguida queda atrapada nunha rede de enganos, supersticiones e asasinatos.

c