Comezan a limpeza nas marxes da autovía AG-64, en Narón e San Sadurniño
Tamén nas marxes da estrada LU-540, no tramo entre Viveiro e Cabreiros, e na LU-124, en Mondoñedo; en Ourense na estrada OU-902, que comunica O Carballiño e O Irixo; e en Pontevedra na AG-51, en Salvaterra, na AG-56, que une Moaña e Cangas, na VG-4.6, que une Cangas e Bueu, e na CG-4.1, do Morrazo.
Por Europa Press / Redacción | A CORUÑA | 14/08/2023 | Actualizada ás 10:22
A Xunta inicia esta semana novos traballos de limpeza nas marxes da autovía AG-64, nos municipios de Narón e San Sadurniño. Tamén se renovarán os traballos nas marxes da estrada LU-540, no tramo entre Viveiro e Cabreiros; e avanzarán as actuacións na LU-124 en Mondoñedo.
Na provincia de Ourense continuarán as intervencións en marcha na estrada OU-902, que comunica os municipios do Carballiño e O Irixo. Na provincia de Pontevedra continuarán as obras de execución nas marxes da autovía AG-51, no municipio de Salvaterra de Miño; na AG-56, que une Moaña e Cangas; e nas vías de altas prestacións VG-4.6, que comunica os municipios de Cangas e de Bueu, e na do Morrazo (CG-4.1.), Moaña-Cangas.
