Falece unha veciña de Ferrol tras unha suposta agresión do seu irmán nun brote psicótico a causa da esquizofrenia
A falecida é unha persoa de idade avanzada, que foi evacuada ao centro hospitalario onde acabou falecendo.
Por Europa Press / Redacción | FERROL | 16/08/2023 | Actualizada ás 19:18
Unha veciña de Ferrol faleceu tras unha suposta agresión do seu irmán durante un brote psicótico, segundo informaron fontes policiais.
A agresión, explicaron, produciuse o domingo e a muller morreu o martes. Mentres, o home, que padece esquizofrenia, de acordo coas fontes consultadas, atópase ingresado nun centro hospitalario, na área de psiquiatría.
Os feitos producíronse o domingo nunha vivenda situada na zona de Fajardo, na cidade de Ferrol. A falecida é unha persoa de idade avanzada, que foi evacuada ao centro hospitalario onde acabou falecendo.
Tamén foi trasladado o presunto autor da agresión, o seu irmán, que permanece ingresado, á espera das actuacións que leven agora a cabo.
