Denuncian a un concelleiro de Vilasantar por regar unha leira de eucaliptos de forma irregular e a pesar da seca

Un concelleiro do Partido Popular no municipio coruñés de Vilasantar foi denunciado pola Garda Civil tras ser identificado nunha leira ao seu nome un sistema de rega supostamente irregular co que irrigaba unha plantación de eucaliptos.

A denuncia está a ser tramitada por Augas de Galicia, segundo confirmaron fontes da Consellería de Infraestruturas. O Concello de Vilasantar, de cuxo goberno forma parte o edil proposto para sanción, emitiu a pasada semana un comunicado de recomendacións para aforrar auga ante o episodio de seca que afecta á provincia da Coruña.

Plantación ilegal de eucaliptos | Fonte: ADEGA - Arquivo