O PP de Ourense denuncia que o horario das termas "non se adapta aos momentos nos que se pode saír á rúa"

A portavoz do PP de Ourense, Inmaculada Moreiras, solicitou ao Concello reformas nas termas e a ampliación do horario de uso ata as 22 horas. Nun comunicado enviado este sábado, a portavoz afirma que en momentos de ondas de calor, con temperaturas que alcanzan os 40 graos, o horario das 10,00 ás 20,00 das termas gratuítas "non se adapta aos momentos nos que se pode saír á rúa".

Os populares solicitaron tamén a mellora dos vestiarios e aseos para os usuarios das termas, ademais de que as empresas adxudicatarias das devanditas instalacións establezan un sistema de aluguer ou venda dun pack necesario para o uso e goce das termas, composto por chanclas, toallas e cadeado para o vestiario.

Auga quente procedente da xeotermia nas termas de Outariz, preto da cidade de Ourense | Fonte: galiciaunica.es