Agosto remata con menos empresas creadas
Son 16 menos que en xullo pasado.
Por E.P. | SANTIAGO DE COMPOSTELA | 05/09/2023 | Actualizada ás 10:43
A constitución de sociedades mercantís situouse en 260 en agosto de 2023 en Galicia, que son 16 menos que en xullo pero oito máis que no mesmo mes do ano anterior, segundo os datos que publica o Instituto Galego de Estatística (IGE).
O capital medio subscrito por estas sociedades ascendeu a 25.250,79 euros. Por outra banda, en agosto, ampliaron capital social 77 empresas e o capital ampliado por estas sociedades foi de 37,93 millóns. As provincias da Coruña e Pontevedra rexistraron o maior número de creacións, co 40% das sociedades mercantís creadas no primeiro caso e o 45,38% no segundo. O 6,92% das novas empresas constituídas fixou a súa sede en Lugo e o outro 7,69% restante en Ourense.
