Reunión para o día 14 entre bombeiros, Xunta e deputacións ante o conflito laboral nos parques comarcais
Tanto o comité de folga como as administracións implicadas manterán encontros por separado "para mellorar o enfoque dos puntos contidos na orde día", precisan os bombeiros.
Por Europa Press / Redacción | SANTIAGO DE COMPOSTELA | 07/09/2023 | Actualizada ás 12:30
Bombeiros comarcais, Xunta e deputacións convocaron unha reunión o día 14 no marco da folga indefinida promovida polos primeiros, segundo informan estes últimos, que propuxeron protestas os días 15 e 16 en Santiago de Compostela coincidindo co cume de ministros.
Este colectivo está en folga para reclamar que se cumpra unha sentenza do Tribunal Supremo para a conversión a persoal laboral fixo dos efectivos. Tamén demandan un convenio autonómico para os traballadores.
Agora, segundo explican, despois do aprazaento do encontro convocado para o día 5, acordouse unha nova reunión o día 14, ás 10.00 horas, na sede do Consello Galego de Relacións Laborais, en Santiago de Compostela.
Tanto o comité de folga como as administracións implicadas manterán encontros por separado "para puír o enfoque dos puntos contidos na orde día", precisan os bombeiros.
Así sinalan que mentres a parte traballadora unificará criterios o venres desta semana, os responsables da prestación do Servizo de Extinción de Incendios e Salvamento terán unha o vindeiro martes, día 12.
Por outra banda, inciden en que "a visión" no catro provincias é "común" nos bombeiros comarcais, "que reclaman unhas mesmas condicións de traballo para os profesionais". Nesta liña, avanzan que "non se levantarán as medidas de presión ata que se consiga o acordo que satisfaga ao persoal".
Neste sentido, indican que se propuxeron por parte do comitéde folga dúas manifestacións de bombeiros comarcais de Galicia en Santiago de Compostela para os próximos días 15 e 16 de setembro, coincidindo coas reunións dos ministros de Asuntos Económicos e Financeiros da UE.
